Bei guddem Wieder gouf fir den Ofschloss vun der Muttergottesoktav 2012 nees duerch d'Stroosse vun der Uewerstad gepilgert. Fotoen: René Scho

Um Donneschden ass bekannt ginn, datt den Ierfgroussherzog Guillaume sech mam Stéphanie de Lannoy verlobt. Haut, um Freideg, ass et schonn déi offiziell Verlobung. Ëm 11.30 Auer war eng Receptioun am Palais, dat ass dann den éischten offizielle Kontakt vun der zukünfteger groussherzoglecher Koppel mat ë.a. Regierung, Chamber, Staatsrot, Nuntius, den Ambassadeuren aus Däitschland an der Belsch. Fotoen: René Scho

De Freidegowend stoung dat wonnerschéint Schlass zu Buerglënster ganz am Zeeche vun der gudder Saach: Et war nees Zäit fir den Télévie-Dinner, bei deem ee sech vun den RTL-Presentateuren zerwéiere loossen an dat genéisse konnt, wat sechs Spëtzekäch op d'Tellere gezaubert hunn. An ee Plat war besser wéi deen aneren. Fir Iech d'Zong laang ze maachen: Peter Körner: Amuses à base de foie gras. Ernesto Prosperi: Entrée froide à base d'un Trio de poissons. Joël Schaeffer: Entrée chaude, Bonbonnière de suprême de volaille sur oignons rouge Daniel Rameau: Entremets autour de la Quetsche d'Ellange Carlo Sauber: Suite, Pièce de boeuf rôti, gelée de tomates et garnie de légumes primeurs René Matthieu: Assortiments de dessert aux fruits de saison et glace au chocolat Wéi d'Ambiance am Bierger Schlass war, wéi gutt d'Käch eens gi sinn, wéi et de Leit geschmaacht huet a wéi sech d'RTL-Leit op deem fir si dach ongewinnten Terrain beweegt hunn - alles dat gitt Dir gewuer an deem grousse Foto-Reportage vum René Scho! Well de Scho war do! Vill Spaass beim Kucken a Klicken ... a bon appétit!

D'Wieder war gutt an d'Laun war et och! Virum traditionelle Regierungsrot um Freidegmoien, 16. Mäerz stoung fir d'Regierungsmemberen eng Foto-Sessioun um Programm ... ee richtege klengen Event, bis dat perfekt Bild an der Këscht war. Eisen "Eventfotograf" René Scho war och bei der Gruppefoto virum Finanzministère op der Place Clairefontaine derbäi an et huet him richteg Spaass gemaach, all Detail am Bild festzehalen. Gutt Laun stécht eben un ... Fotoreportage: René Scho

Um Freideg, 2. Mäerz war et esou wäit: Ganz am Süde vum Land gouf eng Honnertjähreg geéiert a gefeiert: De Kino Kursaal krut seng 100 Joer! Lass goung et mat 3 Riede vun den Häre Massard (Caramba), Back (CNA) an Haine (Buergermeeschter vu Rëmeleng), du gouf déi deels mouvementéiert Geschicht vum Kino Revue passéiere gelooss, éier dunn d'Rëmelenger Chorale Heemecht 3 Lidder gesongen huet ... an du gouf natierlech weidergefeiert, nom Motto: vill Leit, vill Luef, vill Léift fir dee klengen, ganz renovéierten an elo top moderne Kino. Matgefeiert a matfotograféiert huet eisen Event-Fotograf vu Rëmeleng, de René Scho! Kultur-News iwwert den Anniversaire.

Wéi all Joer haten och dëst Joer nees Pompjeeë vu Rëmeleng eng schéi Buerg opgeriicht. Dëst Joer war et awer net déi lescht Koppel, déi bestuet ginn ass, déi d'Buerg a Brand gestach huet, ma de Buergermeeschter mat der éischter Schäffin. Géint 19.30 Auer hu si dat gemaach a wéi d'Buerg esou richteg gutt gebrannt huet, ass wéi all Joer ee flott Freedefeier an d'Luucht geschoss ginn: ee wonnerbaren Ubléck mat Feier um Himmel a Feier op der Äerd ... Ma d'Pompjeeën an d'Police haten alles am A. Genee wéi eisen Event-Fotograf René Scho vu Rëmeleng!

Wat genee ass aktiivt "Méi al ginn"? Doriwwer huet de Professer Dieter Ferring vun der Uni Lëtzebuerg (Professeur en Psychologie, Université du Luxembourg; Faculté des Lettres, des Sciences Humaines, des Arts et des Sciences de l'Education) e Mëttwochmëtteg am Club Haus beim Kiosk zu Schëffleng ee Virtrag gehal. Fotoen: René Scho

Um Samschdegowend waren et der 600 Leit, déi an de Park Hotel op Dummeldeng komm sinn, fir d'DSDS-Promi Motsi Mabuse danzen ze gesinn. Den Danzsportclub Rout-Wäiss-Blo huet och eng formidabel Show geliwwert. D'Motsi Mabuse ass zesumme mam Evgenij Vosniuk op getrueden, wat och den Highlight vum Owend ausmécht. Si huet sech 6 mol anescht ugedoen , während dem ganze Spektakel! De Public war op alle Fall begeeschtert. D'Fotoe vun deem flotten Owend si vum René Scho!

Hüttenzauber zu Rëmeleng war e super Concert mam Thema Bierger. De 1eschten Deel mat Stécker wéi Mt Everest, Mont Blanc, Mountain Song ... an duerno war Après-Ski ugesot mam Rol Girres mat den Ouerewierm wéi "Reiß die Hütte ab", dem DJ Ötzi säi "Meddley" oder dem Andrea Berg "Du hast mich 1000x belogen". Rëmeleng war lass, d'Leit stoungen op den Dëscher an 3 Zugaben war e "must" dat alles bei engem gudden Iessen. De Rol Girres an déi komplett Animatioun hu mat hiren Optrëtt a Musek déi Rëmelenger vun de Plaze gerappt. Fotoen vum René Scho

Dëse flotte Chrëschtmaart ass duerchaus en Tour wäert, och wann et mol reent!

No enger klenger Paus, hunn d'Amis du Chant, dëst Kéier mat engem franséische Programm, fir e volle Sall am Conservatoire gesuergt. Während gutt 2 Stonne goufen d'Leit mat flotte Chrëschtlidder aus dem aktuell Programm "A la venue de Noël ënnerhalen. Den Ensemble gouf ënnerstëtzt vum Ria Clement, Sabine Vermeersch, Jean-Paul Hansen, Roby Lohr, Pierre Kremer an dem Laurent Felten un der Uergel. Diregent war den Fränz Theis.

Mat sengem "mëttelalterleche" Crëschtmaart zitt d'Gemeng Diddeleng wéi all Joer ëm dës Zäit ganz vill Leit un, dorënner och eng sëlleche Visiteuren aus dem noe Grenzgebitt. Fotoe vum René scho!

Vill Leit och dëst Joer nees um Rendez-vous vum internationale Bazar. Tonne Leit an deenen zwou Halen, dovunner huet sech eisen Event-Fotograf René Scho vu Rëmeleng um Samschdeg iwwerzeegt. Hien huet d'Visite vun der Grande-Duchesse Maria Teresa a vum neie Stater Buergermeeschter Xavier Bettel dokumentéiert. Seng Fotochronik weist, wat een als Grande-Duchesse alles ze maachen huet: An 2 Stonnen dierft si iwwert 100 Hänn ginn hunn, stänneg entouréiert vun ronn 10 Fotografen, net ze vergiessen all déi Visiteuren, déi Fotoe mat hiren Handye gemaach hunn. Alles an allem goufen esou iwwert 30 Stänn besicht a ganz vill Leit begréisst an dat ëmmer op eng jovial a frëndlech Aart a Weis ... een Nomëtteg voller Aarbecht, wéi eise Fotograf fënnt. Virdrun hat d'Grande-Duchesse jo ewell ee Präis am Palais iwwerreecht, déi Fotoe fannt Dir hei: Fotogalerie: "Prix Grand-Duc Adolphe" pour Marc Bertemes (26.11.2011). RTL-News: Den Artikel iwwert den Internationale Bazar.

Um 14.15 Auer krut de 34 Joer ale Marc Bertemes de "Prix Grand-Duc Adolphe" vun der Grande-Duchesse iwwereecht, deen am Kader vum Cercle Artistique de Luxembourg organiséiert gëtt. De Marc Bertemes ass den 31.05.1977 zu Lëtzebuerg op d'Welt komm, schafft a wunnt awer elo an Däitschland. Hien ass de Brudder vum bekannte Kënschtler Fernand Bertemes. Fotoen vum René Scho!

Den 18. November 2011 huet de beléiften "Escher Chrëschtmoart" mat iwwer 40 Exposanten nees seng Dieren opgemaach. Fir Jonk an Al ass hei gesuergt mat waarmem Glühwäin, enger gudder Grillwurscht oder Gromperekichelcher. A firwat net och eng Ronn um traditionellen Kannerkarussell dréien? Wiem dat näischt seet, ka sech fir e puer Euro och Schlittschong léinen a sech op déi kënschtlech Äispist woen. Den Escher Chrëschtmaart ass bis den 2. Januar all Dag op vun 14 bis 20 Auer. Och fir Silvester gëtt et hei net langweileg, mat enger Party am gehëtzten Zelt vum "Café Grinch". D'Fotoen vum René Scho!